လူတွေစိတ်ဝင်စားတဲ့ မင်္ဂလာဒုက လေးလောင်းပြိုင် လူသတ်မှု ပေါ်ပြီ အပြည့်အစုံဖတ်ရန် ပုံကိုနှိပ်ပါ။

ပြီးခဲ့တဲ့ သြဂုတ်လက မင်္ဂလာဒုံမြို့နယ်၊ ပတ္တမြားမြို့သစ်မှာ ဖြစ်ပွားခဲ့တဲ့ လေးလောင်းပြိုင်လူသတ်မှုမှာ ပြစ်မှုကျူးလွန်သူက သေဆုံးသူ စိုးနောင်ဖြစ်တယ်လို့ မြန်မာနိုင်ငံ ရဲတပ်ဖွဲ့က သတင်းထုတ်ပြန်လိုက်ပါတယ်။ ဒီလေးလောင်းပြိုင်လူသတ်မှုနဲ့ ပတ်သက်ပြီး မြန်မာနိုင်ငံ ရဲတပ်ဖွဲ့က စစ်ဆေးတွေ့ရှိချက် ၁၁ ချက်ပါ အစီရင်ခံစာကို ဇွန် ၂၉ ရက်နေ့က ထုတ်ပြန်လိုက်တာ ဖြစ်ပါတယ်။
ရဲတပ်ဖွဲ့က တရားလိုနဲ့ သက်သေ ၁၅၆ဦး၊ သင်္ကာမကင်းသူ ခုနစ်ဦးတို့ကို စစ်ဆေးချက်အပါအ၀င် လေးလောင်းပြိုင်လူသတ်မှုမှာ သေဆုံးခဲ့သူလေးဦးရဲ့အနေအထား၊ ထိုးသွင်းဓားဒဏ်ရာတွေ၊ သက်သေခံဓား စတာတွေကို ဒီအန်အေ စစ်ဆေးချက်အရ သေဆုံးသူတွေရဲ့ ဒီအန်အေတွေကိုပဲ စစ်ဆေးတွေ့ရှိခဲ့တယ်လို့ ဆိုပါတယ်။

သေဆုံးသူ စိုးနောင်အနီးနားက တွေ့ရှိသိမ်းဆည်းရရှိတဲ့ ဓားမှာ စိုးနောင်ရဲ့ကိုယ်ပိုင်ဓားဖြစ်တယ်လို့ အတည်ပြုနိုင်ခဲ့ပြီး ဒီအန်အေ စစ်ဆေးချက်အရ ဓားရိုးမှာ သေဆုံးသူ စိုးနောင်၏ ဒီအန်အေတွေ တွေ့ရှိခဲ့ကာ ဓားသွားပေါ်က သွေးတွေကလည်း သေဆုံးသူ စိုးနောင်၊ မချယ်ရီပွင့်၊ မောင်ဟန်သူရနဲ့ မောင်စွမ်းထက်မြတ်တို့ရဲ့ ဒီအန်အေတွေကိုပဲ တွေ့ရှိခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ဒါ့အပြင် သေဆုံးသူ စိုးနောင်ရဲ့ ဝဲဘက်လက်သန်းမှာ သွေးခြေဥဒဏ်ရာ တွေ့ရှိရလို့ မှုခင်းဆရာဝန်က စစ်ဆေးခဲ့ရာ သက်သေခံဓားရဲ့ သတ္တုအရိုးကို တင်းတင်းကြပ်ကြပ်ကိုင်ဆောင်ပြီး ထိုးခဲ့တဲ့အချိန်မှာရရှိခဲ့တဲ့ သွေးခြေဥဒဏ်ရာဖြစ်ပြီး သေဆုံးသူ စိုးနောင်က ဘယ်သန်ဖြစ်ကာ သေဆုံးသူတဦးချင်းစီမှာ တွေ့ရတဲ့ ဓားဒဏ်ရာတွေက သိမ်းဆည်းရမိခဲ့တဲ့ သက်သေခံဓားနဲ့ ထိုးသွင်းရရှိခဲ့တဲ့ ဒဏ်ရာတွေဖြစ်တယ်လို့ အတည် ပြုနိုင်ခဲ့ပါတယ်။
လေးလောင်းပြိုင်လူသတ်မှုနဲ့ စပ်လျဉ်းပြီး မသင်္ကာဖွယ် လူသုံးဦးရဲ့ဓာတ်ပုံနဲ့ ပတ်သက်ပြီး ဆက်လက်စုံစမ်းစစ်ဆေးနေတယ်လို့ ထုတ်ပြန်ချက်မှာ ဖော်ပြထားပါတယ်။
Source & Photos : DVB

http://burmese.dvb.no/archives/215243