သီတဂူဆရာတော်ကြီး ရဟန်း,ဒကာ,ဒကာမစုံစွာရဲ့ အနှိပ်ကိုခံနေတဲ့ ဗွီဒီယိုဖိုင်ကိုတင်ပြီး ခေါင်းစီးကို “ခက်တာမှ မြင်မကောင်းအောင်ကို ခက်ကုန်ပြီ” လို့ တပ်ကာ ပြစ်မှားလာပါတယ်။ သူ့ သဘောအရ သီတဂူဆရာတော်ကြီးကို ဂရုကဖြစ်တဲ့ သံဃာဒိသိသ်အာပတ်နဲ့ စွပ်စွဲလာတာပဲ ဖြစ်ပါတယ်။ သူ့သဘောကို ထပ်သဘောကျနှစ်သက်ကြတဲ့ သူတို့အုပ်စုရဲ့မှတ်ချက်တွေကလည်း ဖတ်လို့တောင်မဝံ့ရဲစရာပါ ။
သီတဂူဆရာတော်ကြီး ရဟန်း,ဒကာ,ဒကာမစုံစွာရဲ့ အနှိပ်ကိုခံနေတဲ့ ဗွီဒီယိုဖိုင်ကိုတင်ပြီး ခေါင်းစီးကို “ခက်တာမှ မြင်မကောင်းအောင်ကို ခက်ကုန်ပြီ” လို့ တပ်ကာ ပြစ်မှားလာပါတယ်။ သူ့ သဘောအရ သီတဂူဆရာတော်ကြီးကို ဂရုကဖြစ်တဲ့ သံဃာဒိသိသ်အာပတ်နဲ့ စွပ်စွဲလာတာပဲ ဖြစ်ပါတယ်။ သူ့သဘောကို ထပ်သဘောကျနှစ်သက်ကြတဲ့ သူတို့အုပ်စုရဲ့မှတ်ချက်တွေကလည်း ဖတ်လို့တောင်မဝံ့ရဲစရာပါ ။
ကာယသံသဂ္ဂသိက္ခာပုဒ်အရ အာပတ်သင့်တဲ့အင်္ဂါကို ပြရာမှာ ကာယသံသဂ္ဂရာဂ (ကိုယ်လက်နှီးနှောခြင်းမှာ သာယာတပ်မက်ခြင်း) ဆိုတဲ့ အင်္ဂါလည်းပါသလို တေန ရာဂေန ဝါယာမော(အဲဒီကိုယ်လက်နှီးနှောခြင်းမှာ သာယာတပ်မက်တဲ့ ရာဂနဲ့ လုံ့လပြုခြင်း)ဆိုတဲ့ အင်္ဂါလည်း ပါပါတယ်။
ဩတိဏ္ဏော နာမ သာရတ္တော အပေက္ခဝါ ပဋိဗဒ္ဓစိတ္တော။
ဝိပရိဏတန္တိ ရတ္တမ္ပိ စိတ္တံ ဝိပရိဏတံ။ ဒုဋ္ဌမ္ပိ စိတ္တံ ဝိပရိဏတံ။ မူဠှမ္ပိ စိတ္တံ ဝိပရိဏတံ။ အပိစ, ရတ္တံ စိတ္တံ ဣမသ္မိံ အတ္ထေ အဓိပ္ပေတံ ဝိပရိဏတန္တိ။
နောက် အနာပတ္တိဝါရမှာ အသာဒိယန္တ (ကိုယ်လက်နှီးနှောခြင်းကို မသာယာတဲ့ရဟန်း) ဆိုတာလည်း ပါပါတယ်။ မိန်းမတွေဟာ ရဟန်းတစ်ပါးကို နှိပ်စက်ပြီး လက်မောင်းအဆက်ဆက်နဲ့ ဆောင်ယူလာကြပါတယ်။ ဒါပေမယ့် ရဟန်းကတော့ မသာယာပါဘူး။ မသာယာလို့ အာပတ် မသင့်ပါဘူး။ ဒါက ဥပမာအနေနဲ့ ထုတ်ပြတဲ့စကားပါ။ မိန်းမတွေက လာကိုင်ပေမယ့် အဲဒီလို မသာယာတဲ့ရဟန်းဆိုရင် အာပတ် မသင့်ပါဘူး။
အနာပတ္တိ အသဉ္စိစ္စ, အသတိယာ, အဇာနန္တဿ, အသာဒိယန္တဿ, ဥမ္မတ္တကဿ, ခိတ္တစိတ္တဿ, ဝေဒနာဋ္ဋဿ, အာဒိကမ္မိကဿာတိ။
မာတာ ဓီတာ ဘဂိနီ စ, ဇာယာ ယက္ခီ စ ပဏ္ဍကော၊
သုတ္တာ မတာ တိရစ္ဆာနာ, ဒါရုဓိတလိကာယ စ။
သမ္ပီဠေ သင်္ကမော မဂ္ဂေါ, ရုက္ခော နာဝါ စ ရဇ္ဇု စ၊
ဒဏ္ဍော ပတ္တံ ပဏာမေသိ, ဝန္ဒေ ဝါယမိ နစ္ဆုပေတိ။
စာကတော့ ဒါပါပဲ။ ဆိုချင်တာက အရမ်းကာရော စော်ကားပြစ်မှားပြီး အကယ်၍များ နောင်တမကြီးဖို့ဆိုရင် တောင်းပန်ကန်တော့ဖို့တော့လိုပါမယ် ဗုဒ္ဓဘာသာဆိုရင်ပေါ့လေ။ ဒါပေမယ့်.......။
"မာတုဂါမ"
မြတ်စွာဘုရားရှင် ကိုယ်တော်မြတ်ကြီးက ရဟန်းတွေကို မိန်းမတွေနဲ့ ဆက်ဆံရာမှာ ဘယ်လိုဆက်ဆံသင့်တယ် ဆိုတာ အသေအချာလမ်းညွှန်ဟောပြ ဆုံးမခဲ့ပါတယ်။ ဘာလို့ ဒီလိုဟောကြားပေးခဲ့ရသလဲ လို့ သုံးသပ်ကြည့်ရရင် အရိယာဖြစ်တဲ့ ရဟန်းတွေအတွက် မာတုဂါမဆိုတဲ့ မိန်းမတွေက ပြဿနာမဖြစ်နိုင်ပေမဲ့ ပုထုဇဉ်ဖြစ်တဲ့ ရဟန်းတော်တွေအတွက်ကတော့ မိန်းမတွေက အန္တရာယ်တစ်ခုပါပဲ။ "အမှိုက်ကစ ပြာဿာဒ် မီးလောင်" ဆိုသလို မဖြစ်ရလေအောင် တင်းတင်းကျပ်ကျပ် တားမြစ်ထားခဲ့တာလို့ ယူဆပါတယ်။
တကယ်တော့ ရဟန်းဆိုပေမဲ့ ပုထုဇဉ်ရဟန်းတစ်ပါးဟာ ယောက်ျားတစ်ယောက်နဲ့ သိပ်မခြားနားပါဘူး။ စောင့်ထိန်းရမဲ့ သိက္ခာပုဒ်တွေကိုဖယ်လိုက်ရင် ရဟန်းတော်ဟာလဲ ယောက်ျားတစ်ယောက်ပါပဲ။ ဒါကို မာတုဂါမဖြစ်တဲ့ အမျိုးသမီးတွေ သေသေချာချာ သိသင့်ပြီး ထိန်းသိမ်းသင့်ပါတယ်။ ခေတ်အဆက်ဆက်မှာ နာမည်ကြီးလှတဲ့ တရားဟော ဓမ္မာစရိယ ဆရာတော်တွေ လူထွက်ပြီး မိန်းမယူခဲ့တာတွေ သိကြ မြင်ကြ ရပါလိမ့်မယ်။
ဒါတွေက ဘာကိုပြသလဲဆိုရင် အမျိုးသမီးတွေက တရားဟော ဓမ္မာစရိယတွေ တရားဟောပြောကောင်း ပြီဆိုရင် ဘယ်နေရာဖြစ်ဖြစ် လိုက်လံနာယူကြတာ တွေရှိပါတယ်။ ဟောတာပြောတာကောင်းလို့ ကြည်ညိုလို့ လိုက်လံနာယူတာကနေ ရင်းနှီးခင်မင်လိုစိတ်တွေ ဖြစ်လာကြပါတယ်။ ဆရာတော်တွေအနား ရောက်အောင်သွားပြီး ခင်မင်ခွင့်ရင်းနှီးခွင့်ကို ရအောင်ယူ ခြေဆုပ်လက်နယ်ပြု ကုသိုလ်ယူကြတဲ့ အမျိုးသမီးတွေလဲ အများကြီးပါ။ တချို့ဆို ကြည်ညိုလို့ဆိုပြီး ခြေစုံကို ဦးတိုက်တဲ့ အမျိုးသမီးတွေ၊ ဆရာတော်လာမယ့်လမ်းမှာ ဆံပင်ဖြန့်ခင်းပြီး ဆရာတော်ကို နင်းလျှောက်စေကာ ပူဇော်တဲ့ အမျိုးသမီးတွေ အများကြီးရှိပါတယ်။ ကိုယ်ကကြည်ညိုစိတ်နဲ့ လုပ်တာ မှန်ပေမဲ့ ဆရာတော်တွေကလဲ ပုတုဇဉ် လူသား ယောက်ျားတွေဆိုတာကို မမေ့သင့်ပါဘူး။ လိုအပ်တာထက် ရင်းနှီးလာပြီဆိုရင် "သဒ္ဒါလွန်တော့ တဏှာကျွံ" ဆိုသလိုတွေ ဖြစ်လာနိုင်ပါတယ်။
ရဟန်းတော်တွေဘက်က ကြည့်ရင်လဲ ငယ်စဉ် ကလေးဘ၀ကတည်းက ကိုရင်ဝတ် စာဝါလိုက်၊ အသက်၂၀ပြည့်ပြန်တော့ ရဟန်းခံ စာဝါလိုက် ဆိုတော့ မိန်းမအကြောင်း သိဖို့ခဲယဉ်းလှပါတယ်။ ဒီလိုမျိုးနဲ့ ရဟန်းဖြစ်လာခဲ့တဲ့ ငယ်ဖြူဆရာတော်တွေဆိုရင် မိန်းမနဲ့ပတ်သက်တဲ့ အတွေ့အကြုံ နည်းလွန်းလှပါတယ်။ တဖက်မှာ အမျိုးသမီးတွေက ကြည်ညိုစိတ်နဲ့ ကိုယ့်ကို အရမ်းရင်းနှီး ပတ်သက်လာတဲ့အခါ အမျိုးသမီး ဆန့်ကျင်ဘက်လိင်ဆိုတဲ့ အတွေးမျိုးဝင်သွားတာနဲ့ အမှားတွေကြုံဖို့ များလာပါလိမ့်မယ်။ ဒီလိုမဖြစ်အောင် ရဟန်းတော်တွေဟာ မာတုဂါမတွေနဲ့ အတတ်နိုင်ဆုံး ထိတွေ့ဆက်ဆံမှုမဖြစ်ဖို့ ရှောင်ကြဉ်ကြရပါတယ်။ ရှောင်ကြဉ်ဖို့လဲ ၀ိနည်းသိက္ခာပုဒ်များ ချမှတ်ထားခြင်း ရှိပါတယ်။
သာမန်အားဖြင့် ရဟန်းတော်များသည် မာတုဂါမများနှင့် ထိတွေ့ခြင်း၊ တိုးဝှေ့ခြင်း၊ မပြုမိအောင် ရှောင်ကြဉ်ရပါသည်။ ရဟန်းများနှင့် မာတုဂါမတို့ ထိတွေ့တိုးဝှေ့၍ သာယာမိလျှင် အပြစ်ရှိသည်ဟု သိမှတ်ထားကြသည်။ ကာယသံသဂ္ဂ သိက္ခာ ပုဒ်အရ အာပတ်သင့်လျှင် ဂရုကအာပတ် သံဃာဒိသိသ် အာပတ်မျိုးဖြစ်သဖြင့် သာမန်ဒေသနာကြား အာပတ်ဖြေရုံနှင့်မရ၊ ထုံးစံရှိသလောက် ရက်ချိန်ယူ၍ ပရိဝါသ်မာနတ် ဆောက်တည်ရသည်။ အမ္ဘာနကံဆောင် ရသည်။ ထို့ကြောင့် ရဟန်းတော်များသည် မာတုဂါမများနှင့် မထိမိအောင် သတိထားကြရသည်။ သို့သော် အမှတ်တမဲ့ထိခြင်း၊ ကား၊ ရထားပေါ် စသည်တို့၌ တိုးဝှေ့မိခြင်း၊ ခြေတော်စုံကို ဦးခိုက်ရှိခိုးခြင်း၊ အာမိသ ဆက်သရာ ဆွမ်းလောင်းလှူရာ၌ လက်ချင်းထိခြင်းသည် ခြွင်းချက်သဘောနှင့် အာပတ်မှ လွတ်သည်လည်း ရှိပေသည်။
"၀န္ဒန၀တ္ထုသ္မိံဣတ္ထိပါဒေ သမ္ပာဟိတွာ ၀န္ဒိတုကာ မာဝါ ရေတဗ္ဗာ၊ ပါဒါဝါပဋိစ္ဆာ ဒေတဗ္ဗာနိစ္စလေန၀ါ ဘ၀တဗ္ဗံ၊ နိစ္စလဿ ဟိ စိတ္တေန သာဒိတော အနာပတ္တိ" ရှိခိုးသောဝတ္ထု၌ မာတုဂါမတစ်ယောက်က ရဟန်း၏ခြေကို ဆုပ်ကိုင်၍ ရှိခိုးသည်ကို တားမြစ်ရ၏။ ရဟန်းက ခြေကိုသော်လည်း ဖုံးထားရမည်။ ဆုပ်ကိုင်ထိတွေ့၍ ရှိခိုးနေလျှင် မတုန်မလှုပ်( မလှုပ် မရှားနေ၍) သော်လည်း နေရမည်။ ခြေထောက်ကို ဆုပ်နယ်၍ ရှိခိုးနေသော မာတုဂါမ၏လက်မှ လွတ်ရန် ရုန်းကန်လှုပ်ရှားသော်လည်း လွတ်မြောက်ရန်သာ လုံ့လထုတ်ခြင်းဖြစ်၍ အပြစ်မရှိဟုဆိုပေသည်။ ထိုအချက်ကို သတိပြု၍ ဆွမ်းခံရာ၌ သပိတ်ကပ်ခြင်း၊ ပေးလှူခြင်းတို့၌ လက်ချင်းထိသောအရာ၊ ပရိတ်သတ်ထဲ၌ အမှတ်မဲ့လက်ကို ဆန့်တန်းရာ၌ မာတုဂါမ၏ ကိုယ်အင်္ဂါကို ထိမိသောအရာ၊ မိန်းကလေးကို ယောက်ျားလေးမှတ်၍ ကိုင်မိသောအရာ စသည်တို့၌လည်း အတူတူပင်ဖြစ်ပေသည်။
ဒါကြောင့် ရဟန်းတော်တွေဘက်ကလဲ ဘုရားရှင်ဟောပြခဲ့တဲ့ မာတုဂါမများနဲ့ ဆက်ဆံရမဲ့ နည်းလမ်းတွေ ကို အတိအကျ လိုက်နာကျင့်သုံးဖို့ လိုအပ်သလို မာတုဂါမဖြစ်တဲ့ အမျိုးသမီးများအနေနဲ့ကလည်း ကိုယ်ကြည်ညိုပြီး ရင်းနှီးသိကျွမ်း ခင်မင်ချင်တာမှန်ပေမဲ့ လိုအပ်တာထက်ပိုတဲ့ ရင်းနှီးမှုမျိုးကို မဖြစ်စေဖို့ သတိထားသင့်ပါတယ်။ နောက်ဆုံးအနေနဲ့ ဘုရားရှင်ဟောကြားခဲ့တာ ပြောကြားခဲ့တာကို အားလုံး သိအောင် အောက်မှာ ရေးသားပေးလိုက်ပါတယ်…. ဖတ်ကြည့်လိုက်ပါ။
“ရှင်အာနန္ဒာ မှာ မေးခွန်းတွေ တိုးလာခဲ့ပြန်ပေါ့။"
ရဟန်းနဲ့ အမျိုးသမီးဆက်ဆံရေး နည်းပေးခဲ့ပါဦး တဲ့
တိုတိုရှင်းမိန့်ဆိုတယ်
“မကြည့်နဲ့ အာနန္ဒာ” တဲ့။
“မကြည့်လို့ မဖြစ်တဲ့ အခြေအနေမျိုးမှာ ဘုရား” တဲ့
“မပြောနဲ့ကွာ အာနန္ဒာ”တဲ့။
“မပြောလို့လည်း မဖြစ်ဘူးဆိုရင်ကော ဘုရား”တဲ့
“ သတိသာ ထားပေရော့ အာနန္ဒာ ”တဲ့။”
မူရင်းလေးလည်း ဖော်ပြချင်ပါသေးတယ်။
“ကထံ မယံ ဘန္တေ မာတုဂါမေ ပဋိပဇ္ဇာမ။”
“အ ဒဿနံ အာနန္ဒ”
“ဒဿနေ ဘဂ၀ါ သတိ ကထံ ပဋိပဇ္ဇိတဗ္ဗံ။”
“အ နာလာပေါ အာနန္ဒ”
“အာလပန္တေန ပန ဘန္တေ ကထံ ပဋိပဇ္ဇိတဗ္ဗံ”
“သတိ အာနန္ဒ ဥပဌာပေတဗ္ဗာ။”
==============================
အာနန္ဒာသည် အမြော်အမြင်ကြီးစွာဖြင့် ရဟန်းတော်များနှင့် မာတုဂါမတို့ ဆက်ဆံရမည့် နောင်ရေး ကို တွေးမိလာလေသည်။ ရဟန်းတော်များမှာ “ပရူပဇီဝိပုဂ္ဂိုလ်” သူတစ်ပါးကို မှီ၍ အသက်မွေးကြသူ များဖြစ်သောကြောင့် ပေါင်းသင်းဆက်ဆံရေးနှင့် မာတုဂါမများနှင့် ကင်း၍လည်း မဖြစ်နိုင်။ ဆက်ဆံရမည်သာ ဖြစ်လေရာ ထိုမာတုဂါမများ (မိန်းမများ)နှင့် ဆက်ဆံသောအခါ၌ ရဟန်းတော်များအနေဖြင့် မည်သို့မည်ပုံ ကျင့်ကြံရမည်၊ နေထိုင်ရမည်ဟူသော အချက်ကို မြတ်ဘုရား သက်တော်ထင်ရှားရှိခိုက် လျှောက်ထားထိုက်သည် ဟု တွေးတောမိသဖြင့် နိဗ္ဗာန်စံပျော်တော်မူခါနီး ကာလတွင် အရှင်အာနန္ဒာက ကပ်၍ လျှောက်ထားလေ၏။
မေး။ ။အရှင်ဘုရား၊ ရဟန်းတို့မည်သည် သူတစ်ပါး (ဒကာ ဒကာမများ) ကိုမှီ၍ အသက်မွေးကြရသူများ ဖြစ်ပါသောကြောင့် မာတုဂါမများသည် ရဟန်းတော်များထံသို့ လာရောက်ဆည်းကပ်ကြ၊ လှူဒါန်းကြပါလိမ့်မည်။ ထိုအခါ ရဟန်းတော်များအနေဖြင့် မည်သို့ မည်ပုံ ကျင့်ကြံ၊ ဆက်ဆံရပါမည်နည်း ဘုရား။
ဖြေ။ ။ ချစ်သား အာနန္ဒာ၊ ကိလေသာကို ပယ်ခွာလိုသော ရဟန်းသည် စည်းစောင့်ရန် လုံခြုံရာ၌နေသော နွားကဲ့သို့ တံခါးလုံခြုံသောကျောင်း၌ ကိန်းအောင်း၍ နေရာ၏။ မာတုဂါမတို့ ရောက်လာသော်လည်း အကြင်မျှလောက်သော ကာလပတ်လုံး မာတုဂါမတို့၏ အဆင်း ပုံသဏ္ဍာန်ကို မမြင်ရသေး။ ထိုမျှလောက်သော ကာလပတ်လုံး (မမြင်တွေ့ရသေးသရွေ့) ရုန့်ရင်းတပ်မက်သော ရာဂသည် မဖြစ်၊ မာတုဂါမတို့၏ ရုပ်အဆင်းကို မြင်လျှင် ရုန်းရင်းတပ်မက်သော ရာဂသည် ဖြစ်လွယ်၏။ ထိုကြောင့် မာတုဂါမကို မမြင်ရာ၌ နေခြင်းသည်သာလျှင် ပဋိပတ်ကျင့်စဉ် ဖြစ်သတည်း။ မာတုဂါမတို့နှင့် မတွေ့မမြင်အောင် နေကြကုန်လော့။
မေး။ ။ အရှင်ဘုရား၊ အကယ်၍ ဆွမ်းခံလေသော အခါမျိုး၊ လှူဖွယ် ဝတ္ထုကို လှူလာသော အခါမျိုးတို့၌ မြင်ချေမူကား အဘယ်သို့ကျင့်အပ်ပါသနည်း ဘုရား။
ဖြေ။ ။ ချစ်သားအာနန္ဒာ၊ အကယ်၍ မာတုဂါမကို မြင်တွေ့ငြားအံ့၊ စကားမပြောပဲ နေခြင်းသည်ပင် မြတ်သော ပဋိပတ်၊ မြတ်သောဆက်ဆံရေးကျင့်စဉ် ဖြစ်၏။
ချစ်သား အာနန္ဒာ၊
ယောက်ျားတစ်ယောက်သည် ထက်စွာသော သံလျက်(ဓါး) ကိုကိုင်လျက် “ငါနှင့် စကားပြောခဲ့သော်၊ ဆိုခဲ့သော်၊ သင့်ခေါင်း ကို ဖြတ်ပစ်မည်၊ (သင့်ကိုသတ်ပစ်မည်)၊” ဟူ၍ဆိုလေအံ့။ ဦးခေါင်းကို အဖြတ်ခံ၍ စကားပြောခြင်းသည်၊ ဆိုခြင်းက မြတ်သေး၏။
မာတုဂါမတို့အား စကားပြောခြင်းသည် မမြတ်လေ။
တစ်ဖန်
ငါ့ကို ခေါ်ပြောခြင်း မပြုပါလျှင် သင်၏အသားကို လှီး၍စားပစ်မည် ဟုဆို၍ အနားတွင်လာရပ်သော ဘီလူးမအား စကားပြောခြင်းသည် မြတ်သေး၏။ ချစ်ဖွယ်ရှိသော မာတုဂါမတို့အား စကားပြောခြင်းသည် မမြတ်။
ချစ်သားအာနန္ဒာ၊ အဘယ်ကြောင့်ဆိုသော်၊
မာတုဂါမတို့နှင့် စကားပြောရသည်ရှိသော် ချစ်ကျွမ်း ဝင်ခြင်းသည် ဖြစ်၏။
ချစ်ကျွမ်းတဝင် ရာဂဖြစ်လာသည်ရှိသော်၊ အထူးထူးသောကိစ္စကို ကြံခြင်းဟူသော- သင်္ကပ္ပရာဂ ဖြစ်၏။ ယင်း သင်္ကပ္ပရာဂဖြစ်သည်ရှိသော် တဏှာ ဥပါဒါန်တို့သည် ဖြစ်လာကုန်၏။
ထိုတဏှာ၊ ဥပါဒါန်တို့ ဖြစ်လာကုန်သည်ရှိသော် သီလပျက်စီးခြင်း၊ ညစ်နွမ်းခြင်းရောက်၍ အပါယ်လေးပါးသို့လားရမည်ဖြစ်သည်။ ထို့ကြောင့် မာတုဂါမတို့အား စကားပြောခြင်းသည် မမြတ် ဟု ငါဘုရားမိန့်တော်မူသတည်း။
မေး ။ ။အရှင်ဘုရား၊ မာတုဂါမတို့သည် သူတို့သိလို၊ စပ်စုလို၊ မေးမြန်းလိုသော ပြဿနာအထွေထွေ တို့ကို မေးလျှောက်ရန် ကျောင်းသို့ လာကြပါကုန်လိမ့်မည်။ ကျောင်းမှမပြန်ဘဲ တစ်နေကုန် တစ်နေခန်း မေးမြန်းခြင်း ပြုချင်ပြုကြပါကုန်လိမ့်မည်။ ဥပုသ်သီတင်း စောင့်သုံးဆောက်တည်လိုကြ၍ သီလတောင်းချင်လည်း တောင်းပန်ကြပါလိမ့်မည်။ ရဟန်းတို့၏ ပြုဖွယ်ကိစ္စအဝဝ ကိုလည်း ကူညီ၍ လုပ်ကိုင်ပေးခြင်းပြုချင်လည်း ပြုကြပါလိမ့်မည်။ ထိုအခါမျိုးတွင် စကားမပြော၊ တုံဏှိဘော နှုတ်ဆိတ်၍နေပါလျှင် “ရဟန်းတို့သည် ဆွံ့အ ကုန်၏၊ နားပင်းကုန်၏၊ လောကရေးရာ ပေါင်းသင်းဆက်ဆံမှုကို ဘာမှ နားမလည်ကြကုန်” ဟု ဆိုကြပါလိမ့်မည် ဘုရား၊ သို့ပါသောကြောင့် မလွှဲသာ၍ မာတုဂါမများနှင့် စကားပြောရချေသော် အဘယ်သို့ နှလုံးသွင်းရပါမည်နည်း ဘုရား။
ဖြေ။ ။ ချစ်သား အာနန္ဒာ၊ ကျောင်းသို့ ရောက်လာကြသော မာတုဂါမများအား စကားပြောလိုသည်ရှိသော်
မိဘအရွယ် ရှိသော၊ အမေအရွယ်လောက်ရှိသူများကို ငါ့မိဘ၊ ငါ့အမေ ဟု နှလုံးသွင်းကြကုန် (စိတ်ကို ထားကြကုန်)။
ညီမအရွယ်၊ အစ်မအရွယ် မျှလောက်ရှိသူများအား “ငါ့နှမ၊ ငါ့ညီမ၊ ငါ့အစ်မ” ဟူ၍ လည်းကောင်း နှလုံးသွင်းကြပါကုန်၊ စိတ်ကိုထားကြပါကုန်။
သမီးအရွယ်ရှိသူများအား “ငါ့သမီး” ဟူ၍ အမှတ်ထား၍ ဆက်ဆံ ပြောဆိုကြပါကုန်။
ချစ်သား အာနန္ဒာ၊
မာတုဂါမတို့နှင့် စကားဆိုပြောရသော အခါမျိုး၌ အထူးသဖြင့် သတိကြီးစွာထား၍ ဆက်ဆံကြကုန်လော့။
ဤကား ဗုဒ္ဓ ပရိနိဗ္ဗာန်စံခါနီး သြဝါဒပေးထားခဲ့သော မာတုဂါမတို့နှင့် ပေါင်းသင်းဆက်ဆံနည်း တစ်နည်းပင် ဖြစ်လေသတည်း။
-----------------------------------------------
ရှင်စောပုမိဘုရားကြီးက ဘုန်းကြီးကျောင်းသွားခါနီး သူ့ အချွေအရံများ ကိုပြောနေသည်မှာ-
"ထိပ်ထား တစ်ခုသတိပေးချင်သေးတယ်။ သမီးတော်တို့ရော သေသေချာချာနားထောင်ကြနော်။ ယခုမယ်မယ်တို့ သွားရမှာက ရဟန်းတော်တွေ သတင်းသုံးတဲ့နေရာ၊ မယ်မယ်တို့ ချယ်သထားတာက တကယ့်ပွဲလမ်း သဘင်သွားမဲ့အတိုင်းပဲ။ မိန်းမတစ်ယောက်ရဲ့ ဝတ်စားဆင်ယင်မှုနဲ့ အမူအရာတွေဟာ ဆန့်ကျင်
ဘက်ဖြစ်တဲ့ ပုရိသတွေကို ဆွဲဆောင်နိုင်စွမ်းရှိတယ်။ အဆန်းတကြယ် ပြင်ဆင်မွမ်းမံမှုက ညှုိ့ယူလိုက်တဲ့အတွက် သူတို့မှာ ပူလောင်တဲ့ဆန္ဒ ဖြစ်လာနိုင်တယ်လေ။
"ဒီလို သူ့စိတ်ကို အမှောင်လွှမ်းသွားတာနဲ့ တပြိုင်နက် သူ့မှာ အပြစ်ဖြစ်ရသလို သူ့ကို ပူလောင်အောင် ဝတ်ဆင်ထားတဲ့ မိန်းမမှာလည်း တန်းတူအပြစ်ဖြစ်ရတယ်။ ဒီတော့ ကိုယ့်ရဲ့အနေအထိုင်ကြောင့် တပါးသူတစ်ဦးကို ဘယ်တော့မှ အမှောင်မလွှမ်းသွားပါစေနဲ့။
"သမီးတော်တို့...ရဟန်းတော်တွေဆိုတာကလည်း အာသဝေါကုန်ခမ်းကြသေးတာ မဟုတ်ဘူး။ ပုထုဇဉ်တွေ ပဲဖြစ်လို့ ပြာဖုံးနေတဲ့ မီးခဲတွေပါပဲ။ ဒီမီးခဲတွေကို သမီး တော်တို့ရဲ့ တပ်မက်စရာ ရူပါရုံဆိုတဲ့ လေပြေတစ်
ချက်မွှေ့လိုက်ရင်.....ထိပ်ထား ဆက်မပြောပါရစေနဲ့တော့ကွယ်...။ ဒါကြောင့် သင့်တင့်ရုံပဲပြင်ဆင်ကြ။ ခေါင်းက ပန်းတွေဖြုတ်လိုက်၊ မှုံနံ့သာတွေကိုလည်း ဖျက်လိုက်ကြပါဦး။ လုံလုံခြုံခြုံ ဝတ်ဆင်ပြီး မြင်ရသူ စိတ်ထဲမှာ နှမငယ် သမီးငယ်တစ်ယောက်လို ကရုဏာပွားလာအောင် ပြောဆိုဆက်ဆံကြပါကွယ်။"
ဗုဒ္ဓဘာသာအမျိုးသမီးများသိစေချင်သည့်စေတနာနှင့်
ဖြည့်စွက်လိုက်ပါသည်။
(ရှင်စောပုအမည်ရှိစာအုပ်မှ)
[မေမေ့ မုဒိတာ]
FB Khin Thandar
Credit. To. ဓမ္မပန်းခင်း
အရှင်မဟာကဿပ၏ စောင့်စည်းမှု
~~~~~~~~~~~~~~~~~~~~~~~~~~~~~
စာသင်သားဘဝကတည်းက အရှင်မဟာကဿပရဲ့ ဂုဏ်ကျေးဇူးများကို ဖတ်ရှုရပြီး ကြည်ညိုနေခဲ့တာပါ၊
ဒီနေ့ လာဇာနတ်သမီးနဲ့ အရှင်မဟာကဿပအကြောင်းလေးဖတ်ဖြစ်ပါတယ်။
လာဇာနတ်သမီးဆိုတာ မြန်မာလို ပေါက်ပေါက် နတ်သမီးလေးလို့ အဓိပ္ပာယ်ရပါတယ်။
လူ့ဘဝမှာ အရှင်မဟာကဿပကို ပေါက်ပေါက်ဆုပ်လှူခဲ့ဖူးတဲ့ ကုသိုလ်ကြောင့် နတ်သမီးဖြစ်လာတာဖြစ်တဲ့ အတွက် သူ့ကို လာဇာနတ်သမီးလို့ ခေါ်ကြတာ ဖြစ်ပါတယ်။
နတ်သမီးဘဝရောက်တော့ သူ့ရဲ့ ကျေးဇူးရှင်ကြီး အရှင်မဟာကဿပရဲ့ ကျောင်းကို သွားပြီး ရေဖြည့်တာ၊ တံမြက်စည်း လှည်းတာ ၊ ကျောင်းဆောင်သန့်ရှင်းရေး စသည်များကို အရှင်မဟာကဿပ မသိရအောင် ခိုးလုပ်နေခဲ့ပါတယ်။
အရှင်မဟာကဿပကလည်း သာမဏေလေးများ လာလုပ်ပေးထားတယ်လို့ပဲ မှတ်ထင်တော်မူပါတယ်။
တစ်နေ့မှာတော့ အရှင်မဟာကဿပနဲ့ ပက်ပင်း တိုးပါလေတော့တယ်။
နတ်သမီးလေးက အရှင်မဟာကဿပကျေးဇူးကြောင့် ဒီလို နတ်သမီးဖြစ်ရကြောင်း လျှောက်ထားပြီး ယခုလို နေ့တိုင်း ဝေယျာဝေစ္စလုပ်ခွင့် ပြုဖို့ တောင်းဆို လျှောက်ထားလိုက်ပါတယ်၊
ဒီနေရာမှာ အရှင်မဟာကဿပရဲ့ စကားက အလွန်ကို မှတ်သားစရား ကောင်းပါတယ်၊ ကြည်ညိုရတာလဲ အလွန် အားရပါတယ်။
အရှင်မဟာကဿပ ပြောလိုက်သည်မှာ--
" နတ်သမီး ~~~ သွားစမ်းပါ၊ အနာဂတ်မှာ ဓမ္မကထိကများက ပလ္လင်ပေါ်တက်ပြီး ငါ့အကြောင်း ပြောကြလ်ိမ့်မယ်၊ အရှင်မဟာကဿပဆီကို နတ်သမီးတစ်ယောက်လာပြီး ဝတ်ကြီး ဝတ်ငယ် ဖြည့်ကျင့် နေတယ်လို့ အပြောခံရအောင် မလုပ်ပါနဲ့"" ဟူ၍ ။
မစောင့်စည်းသူ ဖြစ်ခဲ့လျှင် နတ်သမီးလာရောက်ပြုစုသည်ကို ဂုဏ်ယူနေပေလိမ့်မည်၊
အရှင်မဟာကဿပသည်ကား နယ်နယ်ရရ မဟုတ်၊ မြတ်စွာဘုရား ပရိနိဗ္ဗာန်စံပြီးနောက်တွင် သာသနာကို ဦးဆောင်ရမည့် သံဃာ့ဖခင်ကြီးပင် ဖြစ်သည်၊ ထိုအတွက် ဘဝမှာ အမဲစက် ထင်၍ မဖြစ်၊ ထို့ကြောင့် အရှင်မဟာကဿပသည် အနာဂတ်သာသနာအတွက် ငဲ့၍ နတ်သမီး၏ ဝေယျာဝေစ္စလုပ်ပေးသည်ကို လက်မခံ၊ နှင်ထုတ်ခဲ့လေသည်။
အရှင်မဟာကဿပ၏ စောင့်စည်းမှုနှင့် အမျှော်အမြင် ကြီးမားမှုကို မကြည်ညိုဘဲ မနေနိုင်၊ ထိုဝတ္ထုကို ဖတ်မိတိုင်း ဖတ်မိတိုင်း စိတ်ထဲတွင် မဖော်ပြနိုင်အောင် ကြည်ညိုလေးစားမိသည်။ ယနေ့ခေတ်လို စောင့်စည်းမှု အားနည်းသော ခေတ်တွင် သာ၍ပင် အရှင်မဟာကဿပကို သတိရမိသည်။
တာဝန်ကျေခဲ့သော သံဃာ့ဖခင်ကြီး အရှင်မဟာကဿပအား ဤ post ဖြင့် ပူဇော်လိုက်ရပါ၏ အရှင်ဘုရား။
https://www.facebook.com/groups/902657636455501/permalink/1431013926953200/
စုစည်းတင်ပြသည်။
ဘုန်းမောင်တက္ကသိုလ်
